Тексты Священного Писания для чтения в Великий понедельник Страстной седмицы
Пророчества Иезекиилева чтение
(Глава 1, стихи 1 – 20)
Бысть в тридеся́тое ле́то, в четве́ртый ме́сяц, в пя́тый день ме́сяца, и аз бых посреде́ плене́ния при реце́ Хова́р: и отверзо́шася небеса́, и ви́дех виде́ния Бо́жия. В пя́тый день ме́сяца, сие́ ле́то пя́тое плене́ния царя́ Иоаки́ма. И бысть сло́во Госпо́дне ко Иезеки́илю сы́ну Вузи́еву, свяще́ннику в земли́ халде́йстей при реце́ Хова́р. И бысть на мне рука́ Госпо́дня. И ви́дех, и се дух воздвиза́яйся, грядя́ше от се́вера, и о́блак вели́кий в нем, и свет о́крест его́ и огнь блиста́яйся. И посреде́ его́ я́ко виде́ние иле́ктра посреде́ огня́, и свет в нем: посреде́ я́ко подо́бие четы́рех живо́тных: и сие́ виде́ние их, я́ко подо́бие челове́ка в них. И четы́ре ли́ца еди́ному, и четы́ре кри́ла еди́ному. И го́лени их пра́вы, и перна́ты но́ги их, и и́скры я́ко блиста́ющаяся медь, и ле́гка кри́ла их. И рука́ челове́ча под кри́лами их на четы́рех страна́х их. И ли́ца их и кри́ла их четы́рех держа́щаяся друг дру́га, ли́ца же их четы́рех не обраща́хуся, внегда́ ходи́ти им: ко́еждо пря́мо лица́ своего́ хожда́ху. И подо́бие лиц их, лице́ челове́чее, и лице́ льво́во одесну́ю четы́рем, и лице́ те́льчее ошу́юю четы́рем, и лице́ о́рлее четы́рем. [И ли́ца их] и кри́ла их просте́рты свы́ше четы́рем, коему́ждо два сопряже́на друг ко дру́гу, и два покрыва́ху верху́ телесе́ их, и ко́еждо пря́мо лицу́ своему́ идя́ше. Иде́же а́ще бя́ше дух ше́ствуяй, идя́ху, и не обраща́хуся. И посреде́ живо́тных виде́ние я́ко у́глия огня́ горя́щаго, я́ко виде́ние свещ сообраща́ющихся посреде́ живо́тных, и свет огня́, и от огня́ исхожда́ше я́ко мо́лния. И живо́тная теча́ху, и обраща́хуся, я́ко виде́ние везе́ково. И ви́дех, и се ко́ло еди́но на земли́ держа́щееся живо́тных четы́рех. И виде́ние коле́с, и сотворе́ние их, я́ко виде́ние фарси́са, и подо́бие еди́но четы́рем: и де́ло их бя́ше, я́коже а́ще бы бы́ло ко́ло в колеси́. На четы́ри страны́ их ше́ствоваху: не обраща́хуся, внегда́ ше́ствовати им. Ниже́ хребты́ их, и высота́ бя́ше им: и ви́дех та, и плещи́ их испо́лнены оче́с о́крест четы́рем. И внегда́ ше́ствовати живо́тным, ше́ствоваху и коле́са держа́щеся их: и внегда́ воздвиза́тися живо́тным от земли́, воздвиза́хуся и коле́са. Иде́же а́ще бя́ше о́блак, та́мо бя́ше и дух, е́же ше́ствовати: ше́ствоваху и живо́тная, и коле́са воздвиза́хуся с ни́ми, зане́ дух жи́зни бя́ше в колесе́х.
На русском языке:
Было в тридцатый год, в четвертый месяц, в пятый день месяца, и был я среди пленников при реке Ховар, и отверзлись небеса, и я узрел видение Божие. В пятый день месяца – это пятый год пленения царя Иоакима, – и было слово Господне к Иезекиилю, сыну Вузия, священнику, в земле Халдееев, при реке Ховар; и была на мне рука Господня. И я увидел: и вот, ветер поднимающийся шел от севера, и облако великое в нем, и сияние вокруг него, и огонь блистающий; а в средине его как бы вид янтаря посреди огня; и сияние в нем, и в середине как бы подобие четырех животных. И вот видение их: (как бы) подобие человека у них; и четыре лица у каждого, и четыре крыла у каждого; и голени их прямые, и оперены ноги их, и искры – как блистающая медь, и легки крылья их. И руки человеческие – из-под крыльев их, на четырех сторонах их; и лица их, и крылья их четырех соприкасались одно с другим; и лица их четырех не оборачивались во время шествия их; каждое по направлению лица своего шло. И подобие лиц их: лицо человека, и лицо льва справа у всех четырех, и лицо тельца слева у всех четырех, и лицо орла у всех четырех. И (лица их и) крылья их простерты вверх у всех четырех; у каждого два соединялись друг с другом, а два покрывали сверху тела их. И каждое по направлению лица своего шло; куда пойдет Дух, они шли и не оборачивались. И посреди животных – вид как бы углей, огнем горящих, как вид лампад, кружащихся между животными, и сияние огня, и из огня исходила (как бы) молния. И животные бежали и поворачивали, как вид россыпи искр. И я увидел: и вот по одному колесу на земле возле четырех животных. И вид колес – как вид топаза; и подобие, и устройство их – одно у всех четырех; и устройство их было, как будто бы колесо находилось в колесе. На четыре стороны свои они шли и не поворачивали во время шествия их – даже ободья их; и высота была у них. И я увидел их: и ободья их полны глаз кругом у всех четырех! И во время шествия животных, шли и колеса возле них; и при подъеме животных от земли, поднимались и колеса. Где облако, там был и Дух, побуждающий идти: шли животные, и колеса поднимались с ними, ибо Дух Жизни был в колесах.
Исхода чтение
(Глава 1, стихи 1 – 20)
Сия́ имена́ сыно́в Изра́илевых, входя́щих во Еги́пет вку́пе со Иа́ковом отце́м их, ки́йждо со всем до́мом свои́м внидо́ша: Руви́м, Симео́н, Леви́й, Иу́да, Иссаха́р, Завуло́н и Вениами́н, Дан и Неффали́м, Гад и Аси́р. Ио́сиф же бя́ше во Еги́пте. Бя́ше же всех душ изше́дших из Иа́кова, се́дмьдесят пять. У́мре же Ио́сиф, и вся бра́тия его́, и весь род о́ный. Сы́нове же Изра́илевы возрасто́ша, и умно́жишася, и мно́зи бы́ша, и укрепи́шася зело́ зело́: умно́жи же их земля́. Воста́ же царь ин во Еги́пте, и́же не зна́ше Ио́сифа. Рече́ же язы́ку своему́: се род сыно́в Изра́илевых вели́кое мно́жество, и укрепля́ется па́че нас. Прииди́те у́бо прехи́трим их, да не когда́ умно́жатся; и егда́ а́ще приключи́тся нам брань, приложа́тся и си́и к супоста́том, и одоле́вше нам, изы́дут из земли́ [на́шея]. И приста́ви над ни́ми приста́вники дел, да озло́бят их в де́лех: и созда́ша гра́ды тве́рды фарао́ну, Пифо́, и Рамесси́, и Он, и́же есть Илиопо́ль. Поели́ку же их смиря́ху, толи́ко мно́жайшии быва́ху, и укрепля́хуся зело́ зело́. И гнуша́хуся еги́птяне сынми́ Изра́илевыми. И наси́лие творя́ху еги́птяне сыно́м Изра́илевым ну́ждею. И боле́зненну тем жизнь творя́ху в де́лех жесто́ких, бре́нием, и плинфоде́ланием, и все́ми де́лы, я́же в поля́х, во всех де́лех, и́миже порабоща́ху их с ну́ждею. И рече́ царь еги́петский ба́бам евре́йским: еди́ной их и́мя, Сепфо́ра, и и́мя второ́й, Фу́а. И рече́ [им]: егда́ ба́бите евре́аныням, и суть к рожде́нию, а́ще у́бо му́жеский пол бу́дет, убива́йте его́, а́ще же же́нский, снабдева́йте его́. Убоя́шася же ба́бы Бо́га, и не сотвори́ша, я́коже повеле́ им царь еги́петский, и живля́ху му́жеский пол. Призва́ же царь еги́петский ба́бы, и рече́ им: что я́ко сотвори́сте вещь сию́, и оживля́ете му́жеский пол? Реко́ша же ба́бы фарао́ну: не я́ко жены́ еги́птяныни, та́ко и жены́ евре́аныни: ражда́ют бо пре́жде не́же вни́ти к ним ба́бам, и ражда́ху. Бла́го же творя́ше Бог ба́бам, и мно́жахуся лю́дие, и укрепля́хуся зело́.
На русском языке:
Это – имена сынов Израилевых, входивших в Египет вместе с Иаковом отцом их. Каждый со всем домом своим вошли: Рувим, Симеон, Левий, Иуда, Иссахар, Завулон (и) Вениамин, Дан и Неффалим, Гад и Асир, а Иосиф уже был в Египте. Было же всех душ, происшедших от [чресл] Иакова, семьдесят пять. И скончался Иосиф, и все братья его, и все поколение то; а сыны Израилевы возросли, и умножились, и многочисленны сделались, и весьма, весьма усилились, и преумножала их земля. И встал над Египтом иной царь, который не знал Иосифа. И сказал он народу своему: "Вот, народ сынов Израилевых – великое множество, и усиливается он более нас; давайте же перехитрим его, чтобы когда-нибудь он не умножился; и тогда, если случится у нас война, присоединятся и они к неприятелям, и одолев нас, выйдут из земли (нашей). И поставил он над ними начальников работ, чтобы изнуряли их работами. И построили они города укрепленные фараону: Пифо, (и) Рамесси, и Он, то есть Илиополь. Но насколько их унижали, настолько они становились многочисленны, и весьма, весьма усиливались. И боялись Египтяне сынов Израилевых. И угнетали Египтяне сынов Израилевых с насилием, и мучительной делали их жизнь в работах тяжких над глиною и изготовлением кирпичей, и во всех работах на полях – во всех работах, к которым, принуждали их с насилием.
И обратился царь Египтян к повивальным бабкам Евреев – одной из них имя Сепфора, а имя второй – Фуа, и сказал им: "Когда вы повиваете у Евреянок, и будут они близки к родам, если будет мужской пол, то умертвите его, а если женский, сохраняйте его". Но повивальные бабки убоялись Бога и не сделали так, как повелел им царь Египетский; и оставляли они детей мужского пола в живых. И призвал царь Египетский повивальных бабок и сказал им: "Зачем же вы сделали это дело, и оставляете детей мужского пола в живых?" Но повивальные бабки сказали фараону: "Не (так), как женщины Египетские (женщины) еврейские; ведь они рождают прежде, чем придут к ним повивальные бабки; вот они и рождали". Бог же делал добро повивальным бабкам, а народ умножался и усиливался весьма.
Иова чтение
(Глава 1, стихи 1 – 12)
Челове́к не́кий бя́ше во стране́ Авситиди́йстей, ему́же и́мя И́ов, и бе челове́к он и́стинен, непоро́чен, пра́веден, богочести́в, удаля́яйся от вся́кия лука́выя ве́щи. Бы́ша же ему́ сы́нове седмь и дще́ри три. И бя́ху ско́ти его́, ове́ц седмь ты́сящ, велблю́дов три ты́сящи, супру́г воло́в пять сот, и осли́ц пасо́мых пять сот, и слуг мно́го зело́, и дела́ ве́лия бя́ху ему́ на земли́, и бе челове́к о́ный благоро́днейший су́щих от восто́к со́лнца. Сходя́щеся же сы́нове его́ друг ко дру́гу, творя́ху пир на ки́йждо день, спое́млюще вку́пе и три сестры́ своя́ я́сти и пи́ти с ни́ми. И егда́ скончава́шася дни́е пи́ра, посыла́ше И́ов и очища́ше их, востая́ зау́тра, и приноша́ше от них же́ртвы по числу́ их и тельца́ еди́наго о гресе́ о душа́х их. Глаго́лаше бо И́ов: не́гли когда́ сы́нове мои́ согреши́ша и в мы́сли свое́й зла́я помы́слиша проти́ву Бо́га? Та́ко у́бо творя́ше И́ов вся дни. И бысть я́ко день сей, и се приидо́ша А́нгели Бо́жии предста́ти пред Го́сподем, и диа́вол прии́де с ни́ми. И рече́ Госпо́дь диа́волу: отку́ду прише́л еси́? И отвеща́в диа́вол Го́сподеви, рече́: обше́д зе́млю и проше́д поднебе́сную, се есмь. И рече́ ему́ Госпо́дь: внял ли еси́ мы́слию твое́ю на раба́ Моего́ И́ова? Зане́ несть, я́ко он, на земли́: челове́к непоро́чен, и́стинен, богочести́в, удаля́яйся от вся́кия лука́выя ве́щи. Отвеща́ же диа́вол и рече́ пред Го́сподем: еда́ ту́не И́ов чтит Го́спода? Не Ты ли огради́л еси́ вне́шняя его́, и вну́тренняя до́му его́, и я́же вне всех, су́щих его́ о́крест? Дела́ же руку́ его́ благослови́л еси́ и скоты́ его́ мно́ги сотвори́л еси́ на земли́, но посли́ ру́ку Твою́ и косни́ся всех, я́же и́мать, а́ще не в лице́ Тя благослови́т? Тогда́ рече́ Госпо́дь диа́волу: се вся, ели́ка суть ему́, даю́ в ру́ку твою́, но самого́ да не ко́снешися. И изы́де диа́вол от Го́спода.
На русском языке:
Человек некий был в земле Авситидийской, имя ему Иов; и был человек тот непорочным, справедливым, правдивым, богобоязненным, удалявшимся от всякого злого дела. Было же у него семь сыновей и три дочери. И было у него скота: овец семь тысяч, верблюдов три тысячи, пятьсот пар волов, ослиц на пастбище пятьсот и прислуга весьма многочисленная; и дела великие были у него на земле. И был человек тот знатнее всех, кто от востока солнца. Сходились же сыновья его друг к другу, делая пир на всякий день, забирая вместе с собою и трех сестер своих есть и пить с ними. И когда кончались дни пира, посылал Иов и очищал их, вставая рано утром, и приносил о них жертвы, по числу их, и одного тельца за грех о душах их. Ибо говорил Иов: "Не (согрешили ли) когда сыновья мои (и не) помыслили ли в уме своем дурного о Боге?" Так и делал Иов во все дни.
И как настал такой день – и вот, пришли Ангелы Божии предстать пред Господа; и диавол пришел с ними. И сказал Господь диаволу: "Откуда ты явился?" И в ответ диавол сказал Господу: "Обойдя землю и пройдя поднебесную, (вот,) я пришел". И сказал ему Господь: "Обратил ли ты мысль на слугу Моего Иова? Ибо нет подобного ему, среди тех, кто на земле: человек непорочный, [справедливый], правдивый, богобоязненный, удаляющийся от всякого злого дела. Отвечал (же) диавол и сказал пред Господом: "Разве даром Иов чтит Бога? Не Ты ли оградил что у него извне, и внутри дома его, и окрест всего, принадлежащего ему кругом? И дела рук его Ты благословил, и стада его сделал многочисленными на земле; но простри руку Твою и коснись всего, что он имеет, – конечно он в лицо [Твое] благословит Тебя!" Тогда сказал Господь диаволу: "Вот, всё, что есть у него, даю в руку твою; но к нему самому не прикоснись". И отошел диавол от [лица] Господня.
ЕВАНГЕЛИЕ ОТ МАТФЕЯ
(Зачало 98. Глава 24, стихи 3 – 35)
Во вре́мя о́но, седя́щу Иису́су на горе́ Елео́нстей, приступи́ша к Нему́ ученицы́ на едине́, глаго́люще: рцы нам, когда́ сия́ бу́дут; и что есть зна́мение Твоего́ прише́ствия и кончи́на ве́ка? И отвеща́в Иису́с рече́ им: блюди́те, да никто́же вас прельсти́т. Мно́зи бо прии́дут во и́мя Мое́, глаго́люще: аз есмь Христо́с, и мно́ги прельстя́т. Услы́шати же и́мате бра́ни, и слы́шания бра́нем. Зри́те, не ужаса́йтеся, подоба́ет бо всем сим бы́ти, но не тогда́ есть кончи́на. Воста́нет бо язы́к на язы́к, и ца́рство на ца́рство: и бу́дут гла́ди и па́губы, и тру́си по ме́стом. Вся же сия́ нача́ло боле́знем. Тогда́ предадя́т вы в ско́рби, и убию́т вы, и бу́дете ненави́дими все́ми язы́ки и́мене Моего́ ра́ди. И тогда́ соблазня́тся мно́зи, и друг дру́га предадя́т, и возненави́дят друг дру́га. И мно́зи лжепроро́цы воста́нут и прельстя́т мно́гия. И за умноже́ние беззако́ния, изся́кнет любы́ мно́гих. Претерпе́вый же до конца́, той спасе́тся. И пропове́стся сие́ Ева́нгелие Ца́рствия по всей вселе́нней, во свиде́телство всем язы́ком: и тогда́ прии́дет кончи́на. Егда́ у́бо у́зрите ме́рзость запусте́ния, рече́нную Дании́лом проро́ком, стоя́щу на ме́сте свя́те, и́же чтет, да разуме́ет, тогда́ су́щии во Иуде́и да бежа́т на го́ры. И и́же на кро́ве, да не схо́дит взя́ти я́же в дому́ его́. И и́же на селе́, да не возврати́тся вспять взя́ти риз свои́х. Го́ре же непра́здным и доя́щим в ты́я дни. Моли́теся же, да не бу́дет бе́гство ва́ше в зиме́, ни в суббо́ту. Бу́дет бо тогда́ скорбь ве́лия, якова́ же несть была́ от нача́ла ми́ра досе́ле, ниже́ и́мать бы́ти. И а́ще не бы́ша прекрати́лися дни́е о́ны, не бы у́бо спасла́ся вся́ка плоть: избра́нных же ра́ди прекратя́тся дни́е о́ны. Тогда́ а́ще кто рече́т вам: се, зде Христо́с, или́ о́нде, не ими́те ве́ры. Воста́нут бо лжехри́сти и лжепроро́цы, и дадя́т зна́мения ве́лия и чудеса́, я́коже прельсти́ти, а́ще возмо́жно, и избра́нныя. Се, пре́жде рех вам. А́ще у́бо реку́т вам: се, в пусты́ни есть, не изыди́те: се, в сокро́вищах, не ими́те ве́ры. Я́коже бо мо́лния исхо́дит от восто́к и явля́ется до за́пад, та́ко бу́дет прише́ствие Сы́на Челове́ческаго. Иде́же бо а́ще бу́дет труп, та́мо соберу́тся орли́. А́бие же, по ско́рби дний тех, со́лнце поме́ркнет, и луна́ не даст све́та своего́, и зве́зды спа́днут с небесе́, и си́лы небе́сныя подви́гнутся. И тогда́ яви́тся зна́мение Сы́на Челове́ческаго на небеси́, и тогда́ воспла́чутся вся коле́на земна́я, и у́зрят Сы́на Челове́ческаго, гряду́ща на о́блацех небе́сных с си́лою и сла́вою мно́гою. И по́слет а́нгелы Своя́ с тру́бным гла́сом ве́лиим, и соберу́т избра́нныя Его́ от четы́рех ветр, от коне́ц небе́с до коне́ц их. От смоко́вницы же научи́теся при́тчи: егда́ уже́ ва́ия ея́ бу́дут мла́да, и ли́ствие прозя́бнет, ве́дите, я́ко близ есть жа́тва. Та́ко и вы, егда́ ви́дите сия́ вся, ве́дите, я́ко близ есть, при две́рех. Ами́нь глаго́лю вам, не мимои́дет род сей, до́ндеже вся сия́ бу́дут. Не́бо и земля́ мимои́дет, словеса́ же Моя́ не мимои́дут.
На русском языке:
В то время, когда сидел Иисус на горе Масличной, подошли к Нему ученики отдельно от других и спросили Его: скажи нам, когда это будет, и какое знамение Твоего пришествия и конца века? И ответил им Иисус: смотрите, чтобы кто не ввел вас в заблуждение. Ибо многие придут под именем Моим, говоря: "я Христос", и многих введут в заблуждение. Предстоит же вам в будущем слышать о войнах и военных слухах. Смотрите, не ужасайтесь; ибо это должно произойти, но это еще не конец. Ибо восстанет народ на народ и царство на царство, и будут голод и землетрясения по местам; все же это начало мук рождения. Тогда будут предавать вас на страдание и будут убивать вас; и вы будете ненавидимы всеми народами за имя Мое. И тогда соблазнятся многие; и будут друг друга предавать, и ненавидеть друг друга; и многие лжепророки восстанут и многих введут в заблуждение; и от умножения беззакония, во многих охладеет любовь. Претерпевший же до конца, тот будет спасен. И будет проповедано это Евангелие Царства по всей вселенной во свидетельство всем народам; и тогда придет конец. Итак, когда увидите мерзость запустения, ставшую на святом месте, о которой было сказано чрез Даниила пророка – читающий да разумеет, – тогда находящиеся в Иудее да бегут в горы; кто на крыше, да не спускается взять то, что в доме его; и кто в поле, да не возвращается взять одежду свою. Горе же имеющим во чреве и кормящим грудью в те дни. Молитесь, чтобы не случилось бегство ваше ни зимой, ни в субботу; ибо будет тогда великая скорбь, какой не было от начала мира доныне, и никогда не будет. И если бы не были сокращены дни те, не была бы спасена никакая плоть; но ради избранных будут сокращены дни те. Тогда, если кто вам скажет: "вот здесь Христос", или: "там", – не верьте; ибо восстанут лжехристы и лжепророки и произведут знамения великие и чудеса, чтобы ввести в заблуждение, если возможно, и избранных. Вот Я наперед сказал вам. Итак, если скажут вам: "вот Он в пустыне", – не выходите; "вот Он во внутренних покоях", – не верьте; ибо, как молния исходит от востока и светит до запада, так будет пришествие Сына Человеческого. Где будет труп, там соберутся орлы. Тотчас же, после скорби дней тех, солнце померкнет, и луна не даст света своего, и звезды упадут с неба, и силы небесные будут поколеблены. И тогда явится знамение Сына Человеческого на небе; и тогда будут бить себя в грудь все племена земные и увидят Сына Человеческого, грядущегона облаках небесных с силою и славою великою; и пошлет Он Ангелов Своих с трубою великой, и соберут избранных Его от четырех ветров, от края небес до края их. А образом да будет вам смоковница: когда ветвь ее становится уже мягкой и пускает листья, вы знаете, что близко лето. Так и вы, когда увидите все это, знайте, что близко, при дверях. Истинно говорю вам: не пройдет род сей, доколе все это не сбудется. Небо и земля пройдут, слова же Мои не пройдут.
